अत्यावश्यक सेवा प्रदान गर्ने र मुलुकको आर्थिक गतिविधि सञ्चालन गर्ने माध्यम ब्याङ्क हो। कोरोनाभाइरस (कोभिड–१९) नियन्त्रणका लागि मुलुकमा ५० दिनभन्दा बढी समयदेखि लकडाउन (बन्दाबन्दी) लागू गरिएको छ। यो वेला ब्याङ्किङ क्षेत्र अत्यावश्यक सेवाको सहजता तथा भुक्तानी सहज बनाउने प्रयासमा छन्। अहिले ब्याङ्किङ मात्रै नभएर समग्रमा ग्राहक, उद्योगधन्दा र राज्य प्रणालीमै के कस्तो असर परेको छ भनेर हेर्नुपर्ने वेला हो। कर प्रणाली, आर्थिक गतिविधिदेखि समग्र रोजगारीसम्ममा असर परेको प्रष्टै छ।